Mir gönd is Lager. Chum doch mit!

Mit müede Bei vom viele Tanze,
tüemer üsi 7 Sache packe.

Bim Ablick vom Zmorgetisch chömemer is Stutze
und fanget direkt nocher a mit putze.

Isch denn alles blitz und blank
verwütschet bim "Chappe schissä" fast all de Rank.

S'Posti macht sich uf d Socki
und bringt üs an Bahnhof nebtem "Haus von Rocki Docki".

Z'Gommi wieder acho,
hemmer üsi Liebste id Arme gnoh.

Mir seget tschüss, tschau und tschieiei,
bis nöchst Jahr, chömet guet heieiei!

Gstartet hämmer vollhahne
mit neuem Wüsse über Banane.

Tanze, spiele, rätsle
und da debi vo Poste zu Poste wechsle.

Es isch Endi Wuche und d Kinde (und di Leitende) überstellig
da passt en stille Zmittag völlig!

Wer redet statt schriibt,
dem siis Bsteck usblibt.

De Minions chunnt bim Partymache en Gedankeblitz
bim Singe vo de W.Nuss vo Bümpliz.

Stehle wend mir de Flumserberg, 
doch wie schaffed mir das, so chli wie en Zwerg? 

«U we sie lachet wärde Bärge zu schtoub u jedes zäihe Läderhärz wird weich.»

De Gru muen sich also verliebe, 
erst denn werded mir erfolgrichi Diebe. 

Während dem die Drü suechet,
hät sich s 15er Team als Leitende versuechet.

Wer am meiste bschisst,
sich de Sieg a sich riisst!

Tatsächlich bringet die 3 Elite-Minions d Lucy gfesslet im Auto,
da isch de Gru und alli Minions saufroh!

De Staub wird ufgsuget ganz kräftig, 
damit er ufem Rämel cha glänze, so prächtig. 

Das wird gfiiret isch doch logo!
Mir treffet üs im Esssaal für Disco-Pogo!

Feine Dessert, Tränli, Lacher und Schweiss
wer ez scho packt het, isch morn Morge nöd im Piiiiiiip

Die letschti Nacht no di frischi Bergluft schnuufä
und morn mitm Posti ab uf Gommi mit dem Staubhuufä!

Eigentlich schlafed mir nach Mitternacht,
doch di Ältiste sind wieder erwacht. 

Im düstere Lagerhus
findet sie en Weg voller Grus.

Viel Unheimlichs münd sie erfahre, 
damit d Minions nöd münd ihri violett Farb bewahre.

Am Morge simmer wieder gelb zum Glück,
das erfahret au di Chline, Stück für Stück.

Doch de Bösewicht isch nu nöd verschwunde,
aber bald hend mir au das überwunde.

Zum Trainiere teilemer üs uf id Jublagruppe,
de Schurk bechunnt langsam Angst vor üsere Truppe. 

Mir stärked üs mit tolle Erlebnis, 
definitiv gseh loht sich s‘Ergebnis.

Als Gruppe sind mir stärker worde, 
so breched mir neui Rekorde. 

Bim Rodle wird d‘Bremsi nöd brucht, 
während üs im Seilpark de Fahrtwind entgegehucht. 

Au bim Grilliere
chönd gwüssi brilliere. 

Doch mir münd schnell wieder hei, 
denn d‘Sonderusgab vo Jujublabla lömmer nöd us, nei nei.

Mir erfahret, dass de Schurke definitiv weg isch, 
drum versammlet mir üs um de Fernseh-Tisch. 

De Fleischchäs het eigentlich kei Chäs.
Drum heissts ab ez Fleisch ohni Chäs oder meh Fleisch als Chäs.

Was bstelled Vergesslichi füren Chäs?
Das wüssemer leider au nüme.

De Gru isch immerno nöd uffindbar,
doch de neui Schurke isch bis ez ganz wunderbar.

Kurz drufabe stellt sich use mir hend üs tosche,
denn er hett üs mit Farb abgschosse.

Ez simmer alli violett und wild,
nümme so lieb wie d‘Minions im Idealbild.

En neue Versuech, de Schurke will de Flumserberg sprenge,
au wenn es paar degege düend dränge.

Trotzdem gemmer d Mission nöd uf,
nödmal bim Raketebaue verschlahts üs de Schnuf.

Mir hends probiert zum Starte,
doch wegem Räge hend sies nur gschafft bis zum Nachbur in Garte.

Ez isch die Mission gscheiteret
defür hemmer eh anderi Ufgab gmeisteret.

Mit em Sammle vo Legostei
chunnt de Gru zrugg uf sini Bei.

Verschleppt isch er anschinend worde
und mir hend üs drum gmacht grossi Sorge.

Mir sind aber immerno violett,
doch gönd ezze glich eso is Bett.

Üsi Mission isch klar,
en neue Afüehrer muess here, das isch aber leider rari War.

Mir begebet üs i fremdi Bereiche,
chömmer üses Ziel z Oberterze erreiche?

Mitm Bähnli gohts wie de Blitz
und mir entchömet für en Moment dere Hitz.

D'Berliner als Base stönd eins zwei,
zum Lüfte machemer d'Siitewänd frei.

D Lagerchuchi bringt üsi Feldverpflägig,
Älplermagrone und Trinkglace sind für üs alli gäbig,

Denn mir wüsset: Ohne Mampf -
Kein Kampf!

Bim Gländgame zählet Strategie, Teamgeist und Schnelligkeit,
Dank em Brunne verlüremer nöd üsi Heiterkeit.

Mitm Bähnli wieder zrugg is Minionriich,
es wartet American-Hot-Dogs mit Mustriich.

De frei Obig hemmer üs verdient,
und üs aschlüssend a feine Öpfelschnitzli bedient.

Live-Fernsehluege bringt üs de Traumsand
und katapultiert üs is Märliland.

Wandere isch schön hend mir üs hüt denkt 
und drumm scho früeh de Rucksack uf de Rugge gschwenkt.

Chlii, mittel und gross,
de Flumserberg ställe isch famos. 

Es gaht über Stock und Stei,
bismer hend müedi Bei.

D’Mittagspaus
isch en Schmaus.

Doch de Gru isch uf und devo
und mir wüsset nöd wo.

So macht doch alles kei Sinn,
drumm setzemer alles wieder uf Beginn.

De Heiweg hend alli gfunde, 
und im Pool simmer gschwumme es paar Runde.

Au Ziit zum Chrömle hets nu geh
und scho chlebts wieder zwüsched de Zäh.

Nach de Ämtli und em Znacht
hemmer üs as Lagerfüür gmacht.

Es wird tanzt und es wird gsunge,
de Abig isch definitiv glunge.

E feini Schoggibanane isch au es Muess,
au wenns bide einte isch wie Mues.

Ezz heissts wieder ab id Fädere,
aber bitte nöd na lang umeschnädere.

Ohni Ach und Krach
hend hüt d‘Kind vorem achti Tagwach.

Voller Elan stiigemer id Sportschueh
und hüpfet uf de Rennbahn ohni viel Rueh.

Die Jüngere machet Stafette
und springet debi um d Wette.

Bim Spikeball
für die Grosse giz Krawall

Doch kei Sorge
ezze gits denn gad no Zmorge!

De Buch voll mit Brunch
startetemer mit Power und Pönsch.

Mit Spieli nach beliebe
hemmer üs d'Ziit bis zum Zmittag vertriebe. 

Gege d Hitz tüend alli Kinde,
umenandgötsche bis sie s Tischi chönnd uswinde.

Doch de Gru wött parat sii für de Ernstfall,
drumm müemer üebe Verbinde, Lagere und wie Verhalte im Notfall.

Wohlverdient gits ezze scho wieder Znacht,
ahschlüssend augad no schöni Tänz ih voller Pracht.

Kueche esse und denn Pfuuuse,
will morn morge heissts scho früeh: „Ab id Wanderschueh, mir hauets usee“.

Kurz vor acht haben wir uns aufgemacht.

Über Stock und Stein zogen wir mit Gottes Segen ins Land hinein.

Mit tütato im Postauto ging es mit glücklichen Herzen und vielen Scherzen nach Unterterzen.

Bei der Kartenkund ging nicht alles rund.

Bei manchen (den Ältesten) wurde der Süden zum Norden, weshalb nicht alle erhielten einen Orden.

Doch alle haben es geschafft und es gab einen gediegenen Mittagsrast.

Mit allen Gspähnli ging es Richtung Lagerhaus im Bähnli.

Doch der Gru gibt keine Ruh.

Weiter geht's, bergab stets.

Das «Dorf» kennen wir nun, jetzt gibt's noch was zu tun.

Einpuffen alle sauberen Socken und Hosen

gleich darauf essen wir Spaghetti mit feinen Saucen.

Die Lagerregeln wurden klargemacht bevor viel wurde gelacht.

Das Theater steht an, gesucht sind kreative Ideen von jedermann(frau).

Gru wollt wissen,

wie man den Berg am besten klaut, damit die Flumser ihn nicht missen.

Nach dem Kuchen ging es die bequemen Nester suchen.

Tschüss tschau tschau, wir sehen uns im Morgentau.

Jedes Jahr übernehmen wieder neue Leitende die Lagerleitung. Sie sind hauptverantwortlich für die Lagerorganisation und die Koordination der Aufgaben im Leitungsteam.